Главная > Архив выпусков > Выпуск 2 (1997/98-5758) > Поэзия

I. ЗЕМЛЯ ДА СЛЫШИТ УСТ ГЛАГОЛЫ 

Поэзия Библии в переводах русских поэтов

Симеон ПОЛОЦКИЙ (1629-1680)

ПСАЛОМ 45-й

Бог нам сила, прибежище,

от волн скорбей пристанище. Аще земля вся смутится,

наше сердце не боится. Аще горы преложатся,

в сердце морско вовалятся, Душа наша не смутится,

в Бозе силном утвердится. Воды быша возмущенны,

горы Богом потрясенны, Яже облак достизаху,

неподвижны от век бяху. Град Господень веселится,

егда река близ точится, И в нем Вышний освятил есть

селение, в нем же жил есть.

В среде града Бог витает,

тем недвижим той бывает, Утро тщится в помощь ему,

ярко дому Бог своему. Язык роди ся смятоша,

и царствия упадоша. Егда Вышний глас свой даше,

люте земле трепеташе. Нас Господь Сил заступает,

Яковля чада знает. Семо, роди, приидите,

Бога чюдна дела зрите, Яже в мире сотворил есть,

брань на земли утолил есть. Лук сокрушит, меч сломити

имат, огнем щит спалити. Приидите, разсмотряйте,

яко аз Бог, познавайте: Во языцех вознесуся

и на земли прославлюся. Господи Сил, с нам буди,

храни от бед своя люди. Бог Иаковль защититель

наш, в печалях утешитель. Слава.

 Далее >

Назад >